Caang & Poek

Caang Teh Lain Cahaya,  Lain Sinar
Caang mah NgaGebrayna Hate, Nalika Eungeuh …

Oooooohh ….. Paingan ………!!
Oooooohh …. Ngarti Ayeuna mah !! Geuning Kitu horeng!

Tah …. Caang Karasana Asa Eusi Hate Beuki Lega …

Poek Mah Teu Kudu Pedah Peuting
Tangari Bentrang Bentring ge Ari Poek mah Angger weh Poek


Kumahaaaa Carana …. Bingung Kudu Kumaha ( Poek Tah!! )


 

Eusi Teko

 

Naon sababna Ngucurkeun Teko … Ari nu ngucur Cai N'teh?

 

Nya Meureun da Eusi Tekona ge da Cai N'the!!

 

Naon Sababna Jelema mun ngomong,

ucapan Nu Kaluar Teh Ngan ANJING…BABI..SYETAN…KUNYUK …

 

Boa2 dijero dirina pinuh ku ETA ….

 

( Bisa Jadi ………. )

 

 

Nyumput Buni Dinu Caang, Negrak Bari Teu Katembong

 

Awak Mah Ngariung Jeung Batur

Ari Pikiran Mah Malaweung

 

Batur Mah Pada Teu Nyangka

Da Ngahaja disumputkeun

 

Najan Sakumaha Ramena dina riungan

Hate Nyungkelit Asa Nyorangan

 

Neuteup Nu Nyumput Dinu Caang

Anu Sakitu Negrak, Eces, Bentes bari teu Katembong

 

Dipiteskeun Iblis

 

Geus Kitu Weh …. Kitu Ge Cukup

Batur Ge Kitu… Geus Teu Nanaon, Kitu Weh…

 

Kade Sing Ati2…

Biasana Harewos eta teh ti Iblis

Mun diturut, Sok Cilaka

 

Nu Kitu The Ngaranna DIPITESKEUN KU IBLIS

 

 

Dihias Ku Kagorengan

 

Perhiasan Nu Alus Mah Mawa Kana Goreng

Tapi Perhiasan Goreng,… Mawa Kana Alus.

 

Contona :

Hias diri ku Asa Aing Uyah Kidul maka Goreng akibatna

Tapi Hias diri ku rumasa Bodo, Handap Asor, Gede Rumasa

Maka Bakal Hade Laku Lampahna

 

 

Atuh “Goreng” Tea Ngaranna

 

Ngarasa diri Loba Dosa?

Ngarasa diri Munapek?

Ngarasa diri Ahli Dosa?

 

Nya Lamun Teu Boga Perasaan Kitu Mah …

Atuh "Goreng" Tea Ngaranna!!

 

 

 

Samampuhna Wae

 

Ikhtiarna Mah Wajib ….

Ngan Hasilna Mah "Teu Wajib"….

Wajib Soten Ikhtiarna.

 

Ikhtiar teh nyaeta "Meta"Keun Pilihan

Wajib Hukumna

Wajib Soten Mun Aya Sababna

 

Nu Geus Lubak Libuk Ku Harta Mah

Teu Wajib Ikhtiar …

 

Nu Kokoro Nyoso mah Kakarak Wajib

 

Wajib Oge Mung Samampuhna Wae

Ulah Maksakeun . …

 

 

 

Reureuh

 

Eta Pagawean teh geus ku batur

Tinggal Nyantai

Reureuhkeun Nafsu Tina Pipilueun Ngatur

 

Urusan Rizki pan diatur Ku Alloh

Teu Percaya Kitu Kana Hasil Ngatur Alloh?

 

Wah Cilaka……

 

 

 

Bakat Ku Hayang

 

Nya ari teu beunang di pikanyaah mah

nya mangga weh teraskeun ka Naraka teh..

 

Lain … Eta Aya Ku Maksa Hayang Ka Naraka Teh Nya?

Teu Beunang Dicarek

Teu Benang dibebenjokeun

Teu Beunang disingsieunan

Teu Benang dicontoan

 

Tonggoy weh Ka Naraka

Bakat Ku Hayang jjigana mah, Meureun ?! …

 

 

Barangna Geus Katampa, Keukeuh Embung

 

Dumuk pan geus katarima pamasihannana

Kanyaho Maneh

Kabisa maneh

Karep maneh

Hirup maneh

Eta Sadayana ti Gusti Alloh

 

Naha atuh ku keukeuh2 teuing Teu Narima

Majar ieu mah lain ti Alloh

Asa Pinter ku Sorangan

Asa Bisa Ku Sorangan

Asa Karep Sorangan

Asa Hirup Meunang Sorangan

 

 

Teu Aya Nu Robah

 

Najan diajar tepi ka maot ge

Angger Bodo

 

Najan ngajabat naon we

Angger Hina

 

Najan boga naon wae ge

Angger Fakir

 

Tepi ka iraha ge, Angger Urang Teh Bodo, Hina, Lemah,

Fakir, jeung Teu Bisa Sampurna

 

Mun Embung kitu,

Maka tepi kairaha ge moal bisa ngalakonan Hak Ubudiyah

Jeung Hak Rububiyah

 

Enya Kitu ? Nya Heu'euh!!

 

Tenang

 

Tenang ….

Najan teu katingali timana jalanna

Najan teu katingali kumaha carana

 

Alloh Mah Bisa Mere tina jalan nu teu disangka-sangka

Tina Cara nu teu cara biasana

Alloh mah teu butuh "sabab"

 

Pantes

 

Rek Salah, Nya Pantes

Da Manusa mah tempatna Salah

Naha Keukeuh embung wae disalahkeun ku batur teh

 

Rek teu nyaho, Nya Pantes

Da Manusa mah memang kanyahona dikersakeun

Naha Meuni keukeuh So Tau wae atuh

 

Rej teu bisa, Nya Pantes

Da Manusa mah kabisana dikersakeun

Naha meuni keukeuh – keukeuh teuing hayang bisa atuh ?

 

 

Jerona Sisig

 

Pedah Bungkusna Gudang Garem

Keukeuh majar teh eta Gudang Garem

Puguh Sisig Nini

 

Pedah Bungkusna Islami

Keukeuh eta Jalan Nu Hiji diantara Nu 72

Puguh nyaralak dijorogkeun ku Iblis

 

Ulah Ngarasa Boga Harga Diri

 

Ulah Legeg mun keur mayun ka Alloh

Meuni Hayang Panghareupna

Meuni Hayang Pangustadzna

Meuni Hayang Pang Khusyuna

Leumpangna Leumpang Fir'aun

Diukna Diuk Si Qorun

Wiridna Wirid si Abu Jahal

 

Hina mah Hina Weh

Najan Legeg kumaha wae ge

 

 

Dongeng Aneh

 

Aya Nu Hayang Dahar Lauk

Tapi Teu Boga Usepna, Teu Boga Eupanna

 

Aya weh Nu Mere Nginjeum useup

Mere Eupan

Bari dijurungkeun ngusep diempang menang melakan lauk

Eta Empang anu si Mere Nginjeum Tadi

 

Trus Weh Jelema nu pertama teh Nguseup

Geus Kitu Bebenangan. Lauk Gede.

Eta Lauk dibawa ka nu jelema nu ka-dua

Kalah Ka hayang dibere Hadiah ku nu boga empang

 

Teu mikir….

Usepna, Eupanna, Empangna, malah mah laukna ge

Eta sadayana pan nu jelema nukadua eta.

Untung sakitu ge dibere

 

Tah Eta Dongeng teh ibarat jang urang kana ibadah urang

Bisana ibdah ge Ku Alloh, Make Hayang dibere Hadiah

Jauh-Jauh-Jauh….

 

 

 

 

 

Ka Era Nu Goreng

 

Era Kanyahoan Ku Batur Kagorengannana

Atawa Kasalahannana

Atawa Kakurangannana

 

Eta sarua jeung Hayang Kapuji

Kahayangna teh nu kanyahoan ku batur mah nu alusna wungkul

 

Tapi lain hartina kudu dibolekerkeun

Da Eta bisana teu kanyahoan ku batur teh Dihaja Ku Alloh

Maneh teh dipindingan Ku Alloh sahingga batur teu nyahoeun

 

Piraku ku Alloh disumputkeun ti mahluk

Ku Maneh Kalah Ka dibeja-beja

Kalapa Bijil Ti Cunghak

 

Euwueuh Buruhna

 

Naon nu pang dipieumbungna Ku nafsu

Pedah euweuh buruhna ?

 

Nyaeta : Ikhlas

 

Ikhlas mah euweuh buruhna

Mun Aya Buruhna Lain Ikhlas ngaranna

 

 

Maneh Cageur ? Sugan !

 

Nya Sugan cageur …

Lolobana mah gering tapi teu ngarasa gering

 

Mikir Salah Wae

Asa Rapih, padahal Pahili

Asa Bener, Padahal Saralah

Asa Penting, Padahal Ceblek

 

Apa nu kitu nu disebut Cageur?

 

Kalah Ka

 

Can Makrifat, Kalah Sok Ahlina

Kabatur mere omongan nu aneh-aneh

 

Teu Silaturahmi, Kalah Ka Hayang diajenan

Sakuduna Era, Kalah Ka Bangga

Sakuduna Tobat, Kalah Ka Syukuran

Sakuduna Nganuhunkeun, Kalah Ka Nyarekan

Sakuduna Diajar deui, Kalah Ka Mamagahan Batur

Sakuduna Tungkul, Kalah Ka Tanggah

Sakuduna handap asor, Kalah Ka Umaing

Pinarakaeun, kalah Ka Ngangken Calon Syorga

Sakuduna Ngadu'a, Kalah Ka Maksa

Sakuduna Ikhlas, Kalah Ka Barter

Sakuduna Ngaca, Kalah Moyokan batur

 

Puguh Manehna Ngaruksak, Kalah Ka Ngarasa Ngabangun

Puguh Manehna Nu Diheureuykeun Ku Alloh,

Kalah Ka Asa Manehna Nu Ngaheureuyan

 

Puguh Mundur, Kalah Ka Ngaku Maju

 

Teu Waras Kitu ?

Mun Tea Euweuh Akherat

Jigana nu kudu paeh katincak-tincak teh para Koruptor
Ulah waka seuri pedah salamet di dunya
Teu Nyahoeun.
Puguh mah keur disungkun ku dunya
Kalah Nepak Dada

Mikir Atuh

 

Biki digero beuki jauh

Alloh mah da tos nyampak ti awalna ge

Naha make digero?

Naha sieun teu kadangu?

Gogoroan wae, emang Alloh jauh?
Emang teu panggih?

Pantes da teu diajar. Mun teu nyaho "Tatanya"
Lain Ka Dukun

Ka Ahlina… Ahli Laa ilaaha illaLLoh

Eta tuda ngarasa mayunna mun keur sholat wungkul nya?

Lain Tanda2 Geus Deukeut

Pedah Eta Geus rajin ka masjid

Sahingga mamantes maneh majar geus deukeut

Na Iraha kitu jauhna?
Make Kudu diinditan



Da Can Indit ge Geus tepi Manten



Mangkat kamana Ge Moal bisa Ngajauhan

Basa Hate Sedih

Hate maneh leuwih babari / Leuleus

Sahingga teu hese diajak ngalakonan ibadah

Posisi bathin aya dina sifat abid (hamba)-Na
Istuning ngarasa Hina

Peupeus Hatena

Banget Miharep Welas Asih Pangeran

Matak.. Ulah Waka Embung
Kasedih teh ngajeng2 kana kahadean

Tibatan Suka Bungah nu matak nyilakakeun


 

Nu Mana Ari Nafsu

Dimana ayana Nafsu : 
Di diri urang
Naon Cirina :
Mawa Kana Nu Hampang
Mawa Kana Nu Ngeunah
Mawa Kana Nu Babari


Pagawean sapopoena naon umumna :

• Galecok najan biwir mah balem
  
• Nyanyahoanan wae
  
• Hayang
  
• Embung
  
• Resep
  
• Sieun
  

Bisa Diatur teu? : Bisa

Teu Kunanaon

Teu Benghar Kos Batur ge teu kunanaon

Teu Pinter kos batur ge teu kunanaon

Teu Bisa kos batur ge teu kunanaon

Keun weh batur kitu kieu ge
Nu Kitu Nu Kieu ge da dikersakeun ku Alloh

Nu Penting mah aya dina ridhona Gusti
Nu dipikaridho Gusti mah

Kudu Ridho heula kana pangersana Gusti

Pan urang mah hayang wae kos batur
Berarti teu ridho dikersakeun ku Gusti

Beh dituna meujeuhna teu dipikaridho oge


 

Jalma Teu Boga

Teu boga kanyaho, da nyaho soten dikersakeun ku Alloh

Teu boga kabisa, da bisa soten dibisakeun ku Alloh

Inget soten diingetkeun ku Alloh

Karasa soten dirasakeun ku Alloh ka maneh

Kuat soten dikuatkeun ku Alloh

Sadar soten disadarkeun ku Alloh

Sehat soten disehatkeun

Ningali soten ditingalkeun ku Alloh

Ngadenge soten didengekeun ku Alloh

Kabaca soten dikersakeun ku Alloh





Sagalana serba ku Alloh dikersakeun

Jadi sabenerna urang sadayana oge jelema teu gaduh

Minimal ulah dikersakeun

Janten jalmi anu maot teu gaduh iman

Anu hirupna teu gaduh kaEra

Katipu Ku Tetempoan

Eta Rel Kareta ditempo mah jiga nyambung

Padahal Mun disampeurkeun mah teu ieuh

Tah ningali batur oge kitu …
Ditempo ku urang mah jiga kitu

Can Tanawuruh. Boa ari geus jelas mah masalah na lain kitu ….

Tong Mamantes Batur

Eta meuni pinter nyaritakeun batur teh

Meuni ngabuih

Majar batur kieu teh kusabab kitu–kitu-kitu

Dibungbuan ku pakuat pakait jeung anu-anu-anu

Istigfar2x
Eta teh Mamantes Batur
Boa Nu digogoreng teh dipayuneun Alloh mah Langkung hade

Tibatan nu ngomongkeun

Ulah Muka Rasiah Pangeran

Nu apal rahasia Gusti (Sirrul Asror)

Cik atuh Sing Gaduh Adab !!

Rahasia Indung Bapa Ge 
Pan Tong Dibeja-beja

Piraku Rahasiah Pangeran rek dimurah mareh ?

Barina ge Mun Jelema Loba Ngabenjerbeaskeun
Pangartina ngenaan Pangeran
Kudu dicurigai
Tholabul Ilmi
Atau Hayang Kapuji

Sing Boga KaEra

Maneh teh teu sorangan ieuh

Najan nyumput dimana wae ge

Naon nu katingali ku maneh 
Otomatis ditingali ku Alloh

Naon nu kadenge ku maneh 
otomatis kakuping ku Alloh

Naon nu karasa ku maneh 
otomatis ka uninga ku Alloh

Naon nu digerenteskeun ku hate maneh
ka uninga ku Alloh


Panon mahluk
nu ayeuna aya sa ruangan jeung maneh
Eta Tembus ka Alloh

Nyakitu deui nu ditempo ku maneh 
langsung tobros ka Paningal Alloh

Maka, sing boga ka era atuh..


 

 

Teu Butuh Cukang

Datangna paparin ti Gusti mah

Suci tina sabab ladang nyieun maneh

Ikhtiar mah Ibadah weh eta mah

Ngagarap hiji pilihan

Ngalaksanakeun parentah Gusti

Paparin Gusti mah

Kuma Gusti weh

Eta Mah Tina Murah Asihna Gusti

Lain pedah dicukangan ku Maneh

Can Tanawuruh

Majar mun seug maneh beunghar mah

Maneh rek Nyangkul hirup Batur ?

Can Tanawuruh……


Majar teh mun nurut ka pendapat maneh

tangtu moal kitu tah si eta teh.

Can Tanawuruh….

Jiga Alloh Kudu Kumaha Ceuk Maneh

Lain Alloh kudu Kumaha Ceuk Maneh

Meuni Maksa ..
Meuni Kudu
Loba teu Nu Ngomong Kieu : "Coba Lamun kieu, moal kitu ! "
atawa "Kunaon Alloh teh ..... ?"

Eta sarua jeung MAPATAHAN
Nganggap Alloh Bodo? Alloh Poho?
Kade! Lain Alloh Kudu Kumaha ceuk Maneh
Tapi Maneh anu Kudu Kumaha Ceuk Alloh

Tong Heran Barina Ge

Ngaheran heran diri

Pedah cenah batur muji ka urang



Majar urang kitu, majar urang kieu

Tuluy urangna pipilueun heran ka diri



Padahal mah eta teh hayang kapuji deui wae



Tong Heran ….

Tong heran nemen2

Da Eta teh ku Alloh. 
Lain Ku Maneh.

Tong Mamantes Maneh

Teu Pantes ieuh dipapantes oge

Eta sakitu apal meureun yen eta teh lain ku maneh

Make mikir nu teu pararantes



Majar teh :

"Heu'euh aing mah pantes disebut ustadz ge

Apan aing loba kanyaho dina urusan agama".

Wah GAGAL.



Istigfar deui !!

Ulah Ujub da Lain Ku Maneh

ETA SABAR TEH LAIN KU MANEH

ETA TAWADHU TEH LAIN KU MANEH

ETA BISA TEH LAIN KU MANEH

ETA NYAHO TEH LAIN KU MANEH

ETA YAKIN TEH LAIN KU MANEH

ETA BISA KITU TEH LAIN KU MANEH

ULAH UJUB

KOMO AGUL

SING GADUH KAISIN ATUH

AGUL KU LADANG GUSTI

ANGGURAN LOBA NGAJI DIRI

DARI PADA NGAJI BATUR

Ibadah ibarat Mendung

Alloh mun resep ka hiji insan, maka sok dilampahkeun atawa digarapkeun

Kana daek ngalakonan syareatna.

Tos kitu sok dihasilkeun pamaksudannana anu kadang waktuna pas pisan

Saparantosna ngalampahkeun eta syareat.

Najan ibadah teh lain useup kana qobul, tapi minimal bias jadi ciciren,

atawa pertanda kana bakal qobul maksudna.

Ibarat mendung…

Biasana mun rek hujan sok mendung heula. Najan teu jadi jaminan kana

Bakal turun hujan. Sabab, Kadang hujan turun teu mendung heula

Ngecek Ikhlas dina Diri

Mun nu ibadah tapi di ka naraka keun, daek teu ibadah?

Mun ibadah teu jadi jaminan bakal jadi cukang kana hasil maksud jeung tujuan,

Daek teu ngalakonannana?

Alhamdulillah, Alloh mah teu kituan…..

Ibadah Teh Lain keur Nguseup

Saha nu resep nguseup ? …………

Nu nguseup teh merekeun eupan sugan disanggut ku lauk nu butuheun ku eta eupan

Sifatna susuganan eta lauk teh nyanggut

Tah Beda jeung ibadah

Ibadah mah lain nguseup ku cara merekeun eupan sugan disanggut ku Alloh

Da Alloh mah teu butuheun ka Ibadah urang

Sifat Ijabah Alloh mah lain susuganan

Tapi Hiji Kapastian asal aya syaratna

Hakekat

Hakekat teh
Rahasia tina Hiji Aturan

Nu Gaduh Uninga Nu Pasti Benerna mah
Mung Alloh Nyalira

Jadi Omongan ladang pamanggih urang mah
tibang Susuganan mun teu nyalahan

Paling alusna ge "Ngadeudeukeutan Kana bener"

Tunggul Amal

1. Salsena hate mun seug rengse tina ngalakonan ibadah;
2. Hate asa teu tenang da can ngalakonan ibadah padahal tos mangsana;
3. Hate sok ngagogoreng diri / nyalahkeun saba'da ngalakonan ibadah
    da aya ancegan asa bisa leuwih ti kitu;
4. Mun seug tinggaleun / poho ngalakonan ibadah teh asa jauh ti Alloh;

Tah eta sadaya nu ditataan di luhur teh JIGA ALUS padahal GORENG.
Disebutna TUNGGUL AMAL.
- Boga sangkaan yen asa amal alus meunang sorangan
- Boga sangkaan yen asa manehna bisa ngalakukeun salian ti anu tos  ditakdirkeun ku Alloh




Padahal mah :
1. Bisana amal teh ku Alloh
2. Asalna eta amal teh tina murah asihna Gusti Alloh ka dirina. Alloh Nu        Maha Awal. Mustahil Kapandeurian.
3. Alus Gorengna amal kumaha Alloh
4. Bisa sakitu ge alus keneh da sakitu ge dikersakeun ku Alloh
5. Urang mah teu bisa nanaon
6. Barina ge asa jauh ? Na dimana kitu Alloh make bisa jauh ?